台中,百年城

(影片轉載自台中市政府文化局)

百年的文化城市
媽祖的信徒滿滿是
遶境祈福庇蔭鄉里
潭子摘星神岡筱雲
山莊媠駕予人強欲袂喘氣
以早緃貫鐵路到遮過袂去
尾仔連起來南北變兄弟
公園內湖心亭有記持
府城北門樓搬過來企起

先賢佇霧峰結交吟詩
第二市仔做生理買菜食稀奇
文化協會講演開通民智
獻堂仔先有夠硬氣
伊講台灣議會一定愛設置
中央書局若文化的發電機
休睏一陣了後重新開始
楊逵先仔綠島關倒轉來
去大肚山頂挖地種玫瑰

台中雖然溫和但是真堅持
淡薄仔忠厚不過蓋有創意
職個城市親像花一蕊
火車駛佇彩霞的天邊
車站攑頭向天咧宣示
台中起步開創新的一百年